Во Куманово денеска се одржа свеченост по повод испраќањето на контингентот на АРМ во мировната мисија ИСАФ во Авганистан. Во петтата ротација во Кабул заминаа сто дваесет и седум припадници на Првата механизирана пешадиска бригада и тројца штабни офицери. Тие задачите ќе ги извршуваат во рамките на контингентот на британската армија и ќе бидат задолжени за обезбедување на главната команда на силите на ИСАФ во Кабул.