Најмалку 23-ца палестинци загинале, меѓу кои и 18 цивили, во акциите на израелската армија во Појасот Газа и на Западниот Брег. Израелскиот министер за одбрана Амир Перец наредил запирање на артилериските напади додека не биде испитан случајот со загинатите цивили во Беит Ханун. Шефот на дипломатијата Ципи Ливни изрази жалење за инцидентот. Палестинскиот премиер Исмаил Ханија побара состанок на Советот за безбедност на Обединетите Нации.
