Министрите за надворешни работи на Европската Унија сметаат дека треба да продолжат дипломатските напори за решавање на кризата со иранската нуклеарна програма и да не се брза со воведувањето санкции против Техеран. Германскиот шеф на дипломатијата Франк Валтер Штајнмаер, на состанокот на 25-те министри на земјите членки на Унијата во Финска, изјави дека Европската Унија не сака ескалација на кризата, но оти и Иран треба да покаже сериозност за продолжување на преговорите.