Во Италија е во тек вториот ден од парламентарните избори во таа земја. Избирачките места треба да бидат затворени во петнаесет часот. На вчерашниот прв ден, според податоците, гласале над шеесет и шест насто од околу четириесет и седумте милиони избирачи. Последните прогнози и даваат мала предност на коалицијата на левиот центар предводена од Романо Проди пред коалицијата на десницата на чело со премиерот Силвио Берлускони.
