Поларната зима, што зафати делови од Европа, однесе и десетици човечки животи. Во изминатиов викенд 27 лица умреле од студ во Полска, каде што темературите се спуштиле до минус 32 степени. Во северо-источна Романија најмалку 3 лица настрадале на минус 25 степени, а големите снегови предизвикале блокади на сообраќајот. И во Јужна Германија, каде што се измерени минус 34 степени, две лица умреле од студ.
