Пакистан денеска соопшти дека врши истрага дали во американскиот напад врз село во близина на авганистанската граница е убиен вториот човек на Ал Каеда Ајман ал Завахири. Американските медиуми јавија дека нападот бил извршен од ЦИА а главна цел биле врвни личности на Ал Каеда – веројатно Ал Завахири. Во селото Дамадола во ракетниот напад, според извештајите, загинале 18 луѓе.
