Во конечниот извештај на комисијата која ги истражуваше проневерите за време на програмата на Обединетите Нации нафта за храна за Ирак, е утврдено дека во масовната корупција учествувале над 2 илјади и 200 компании и повеќемина политичари. Станува збор за проневера на околу милјарда и 800 милиони долари. Меѓу фирмите кои учествувале во малверзациите, од кои се богател и Садам Хусеин, се вклучени и компании како Дајмлер-крајслер, Сименс, Лукоил и други. Истрагата ја водеше Пол Волкер, кој оцени дека овие малверзации не би биле можни доколку Обединетите Нации имале подобро раководство.
