Групата 20, повеќето министри за финансии и банкари од богатите како и од земјите во развој, на крајот од дводневниот самит во Кина апелираа за вложување напори за постигнување на стабилна цена на нафтата и снабдување со енергенси. Учесниците на самитот изразиле загриженост за постојаниот раст на цената на нафтата, што може да доведе до успорување на економскиот раст и нестабилност во глобалната економија, поради што се препорачува поголем дијалог меѓу снабдувачите со нафта и потрошувачите.
