Американскиот претседател Џорџ Буш се состана со директорите на петте водечки фармацевтски компании во земјата за да побара од нив да ја зголемат продукцијата на вакцини против птичјиот грип. Како што јавуваат агенциите, на состанокот станало збор за тоа како да се дојде до доволно вакцини за многу кратко време. Експертите предупредија дека птичјиот грип во моментот е најголемата опасност по здравјето на луѓето во светот.
