Во денешните напади со минофрлачки гранати врз едно од најважните шиитски светилишта во Багдад загинале над триесет лица, соопшти ирачката полиција, додавајќи дека најголемиот број загинале од паниката предизвикана по нападите. Се прецизира дека биле изведени три напади врз колоната луѓе кои се движеле кон џамијата за да го прослават денот на маченикот Муса ал Кадим, една од позначајните верски личности меѓу шиитските муслимани.
