Во седиштето на Обединетите нации во Њујорк, синоќа започнаа разговорите околу предложените реформи на светската организација. Во документот со предложените реформи, се содржани седум главни теми, меѓу кои тероризмот и неговото дефинирање, неширењето на оружје за масовно уништување како и заштита на популации на кои им се заканува геноцид. Документот треба да биде завршен до 2 септември, по што ќе им се достави на земјите членки на ОН на усвојување.
