Генералниот секретар на Обединетите Нации Кофи Анан изрази жалење поради тоа што земјите во светот не успеаа да се согласат околу новите чекори во борбата против ширењето на нуклеарното оружје. Имено, и по еден месец од започнувањето на глобалната конференција во Њујорк посветена на овој проблем сто осумдесет и осумте земји учеснички, како што е соопштено, останале длабоко поделени во врска со начините за намалување на нуклераната тензија во светот.
