Рускиот министер за надворешни работи Сергеј Лавров изјави денеска во Вилнус дека Русија е против насилна смена на раководството на Белорусија, оценувајки дека демократизацијата не може да биде наметната однадвор. Ваквиот коментар доаѓа само еден ден откако американскиот државен секретар Кондолиза Рајс оцени дека во Белорусија има диктаторски режим и оти се потребни промени во таа земја.
