Новото раководство на Киргистан и претседателот во егзил Аскар Акаев сеуште не можат да се договорат за начинот на надминување на политичката криза. Акаев вчера изјави дека сака да се врати во Бишкек и пред парламентот да ја соопшти својата оставка, но побара безбедносни гаранции за него и за неговото семејство. Меѓутоа, министерката за надворешни работи Роза Отунбаева изјави дека нова влада не може да му даде такви гаранции.
