Поранешниот министер за внатрешни работи на Македонија Љубе Бошковски денеска од Загреб е екстрадиран во Хаг, каде што ќе му биде предаден на Хашкиот трибунал. Бошковски замина во Хаг со редовен лет на Кроација ерлајнс. Хашкиот трибунал го товари за воени злосторства при судирите во скопското село Љуботен во август две илјади и првата година во кои загинаа седуммина албанци.
