Советот за безбедност на Обединетите Нации денеска ќе расправа за улогата на Светската организација на Косово по последните инциденти. Германскиот амбасадор Гинтер Плојгер, кој е актуелен претседавач со Советот, изјави дека меѓуетничките насилства и досегашниот неуспех во изградбата на демократско општество на Косово значи дека меѓународната заедница треба да се организира за долг престој во провинцијата.
