Американските сили во Ирак денеска повторно им понудија примирје на бунтовниците во Фалуџа, почнувајки од напладне по локално време. Портпаролот Марк Кимит изјави дека засега нема одговор од бунтовниците и оти американските сили го задржуваат правото на само-одбрана. Американските сили и вчера повикаа на примирје, кое беше нарушено во текот на изминатата ноќ. Американскиот претседател Џорџ Буш изјави дека и покрај насилствата во Ирак, нема да биде одложено планираното предавање на власта на ирачаните на 30-ти јуни. Буш оцени дека една мала фракција се обидува да ја спречи демократијата во Ирак и да ја превземе власта.
