Србите во косовските села Грачаница и Чаглавица и денеска ја продолжија блокадата на патот од Приштина кон Скопје и Гњилане во знак на протест поради оружениот напад во понеделникот врз нивниот сограѓанин Јовица Ивиќ. На теренот се и припадници на полицијата на УНМИК и на КФОР за да се избегнат евентуални инциденти. Србите најавуваат дека нема да ја прекинат блокадата се додека не бидат откриени напаѓачите.
