Имплементацијата на Охридскиот рамковен договор е во срцето на напорите на земјата да се приближи кон Европската унија, изјави денеска специјалниот претставник на ЕУ во Република Македонија Алексис Брунс по повод вчерашната одлука на шефовите на дипломатиите на ЕУ да ги стават на "црна листа" македонските граѓани што го попречуваат односно забавуваат охридскиот мировен процес. Како што соопшти Канцеларијата на специјалниот претставник на ЕУ во Македонија, Брунс истакнал дека "одлуката на Брисел е јасна порака дека за Европската унија е неприфатливо било кој да се обиде да го наруши овој процес".
