Министрите за надворешни работи на Европската Унија, на денешниот состанок треба да се изјаснат по одлуката на Советот на НАТО, за примопредавање на досегашната мисија на Алијансата во Македонија, на европските сили за безбедност. ,,Оваа одлука означува важна пресвртница во развојот на стратешкото партнерство меѓу Европската Унија и НАТО,, изјави генералниот секретар на Северноатлантската алијанса Џорџ Робертсон. Досегашните 700-тини војници на НАТО во Македонија, ќе бидат заменети со 320 припадници на силите за безбедност на Европската Унија.
