Американски бомбардери прво ќе ја нападнат палатата на ирачкиот претседател Садам Хусеин, а потоа и другите „симболи“ на неговиот режим, пишува денешниот британски неделник „Обсервер“. За да му се укаже на ирачкиот народ дека војната не е насочена против нив, туку против структурите кои го одржуваат ирачкиот претседател на власт, цел на нападите ќе бидат, неговиот роден град, најважните министерства, куќи и имотот кои му припаѓаат на семејството на Садам, изјавил еден британски претставник за „Обсервер“.
