На синоќешниот телевизиски дуел, германскиот канцелар Герхард Шредер и неговиот главен ривал за престојните парламентарни избори што ќе се одржат по две недели, Едмунд Штојбер, една од главните теми беше Ирак. Шредер повторно ја отфрли можноста од германско учество во евентуалната воена акција против Багдад, додека Штојбер оцени дека таквиот став ќе ги наруши американско – германските односи.
