Војната носи не само смрт, туку и уништување на историски градби, споменици, библиотеки, цркви, па дури и уникатни форми на транспорт идентификувани со некоја земја или регион.
Украинското Министерство за култура и информативна политика ја обвинува Русија дека извршила воени злосторства со уништување или оштетување на 242 места и објекти на културно наследство. УНЕСКО ја потврди штетата на 110 локации од почетокот на инвазијата на Русија на 24 февруари. Тоа вклучува 48 верски објекти, 10 музеи, 22 историски згради, 11 згради посветени на културни активности, 13 споменици и шест библиотеки. Како што војната се одолговлекува, постои загриженост дека повеќе локации ќе бидат додадени на списокот.
Руското уништување на националното и културното наследство на Украина
1
Регионалниот драмски театар Доњецк во Мариупол, изграден во 1960 година, најмногу беше уништен од руски напад на 16 март. Украински цивили се засолнуваа таму, а локалните власти велат дека во нападот загинале околу 300 луѓе.
2
Гранатирана библиотека во градот Чернихив. Градот беше повторно заземен од украинските војници. Еден човек ја гледа штетата на 9 април.
3
Историски трамвај во депо во Харков на 12 март, кој наводно бил оштетен од руско гранатирање,
4
Се вели дека оваа тешко оштетена црква во Лукашивка ја користеле руските војници за складирање муниција.
Категории
- Македонија
- Свет
- ТВ Тема на неделата
- ТВ Тема на денот
- Во 90 секунди
