„Малку ми е една Олимпијада“

Македонската пливачка надеж, 16-годишната Миа Блажевска Еминова во своето пливачко портфолио има бројни национални рекорди, медали и пливачки настапи во домашни и меѓународни води. Меѓу нив, со големи букви стои запишано учеството на Олимпијадата во Токио. Членката на пливачкиот клуб „Орион“ од Скопје, сака да го продолжи својот олимписки пат, со надеж дека ќе плива и на следните Олимписки игри, но овојпат, со исполнета норма, наместо со „вајлд карта“, како оваа година.