Екстремните десничари во Србија му се закануваат на Вучиќ поради Косово

Стотици луѓе се собраа на екстремно десничарскиот протест во центарот на Белград на 15 февруари, барајќи државните власти да се повлечат од преговорите со посредство на Европската унија за нормализација на односите со Косово. Полицијата ги спречи демонстрантите да влезат во зградата на Претседателството на Србија. Митингот беше организиран од десничарската организација Народна патрола, која има блиски врски со руската платеничка група Вагнер која се бори во Украина.