Ние очекуваме Северна Македонија рано напролет да му се придружи на НАТО, а веќе на почетокот на декември, на лидерската средба во Лондон, за секого ќе биде очигледно дека Северна Македонија е на прагот да ѝ се придружи на Алијансата, изјави Џејмс Апатураи, заменик помошник генерален секретар на НАТО за политички прашања, во интервју со дописничката на Слободна Европа од Брисел, Ѓераќина Тухина.
На прашањето дали НАТО ќе ја забрза процедурата за прием на Македонија за да ја надомести штетата за Македонија направена со недобивањето датум за почеток на преговорите, Апатураи вели дека и покрај техничките проблеми со Шпанија, тие имаат утврден распоред, според кој, се околу приемот е навремено.
