Скопски велосипеди на „третман за разубавување“
Над триесетина скопјани добија нов изглед на нивните велосипеди, откако се пријавиле на бесплатната работилница за „Козметички третман на велосипед“ што се одржа денеска (14 септември) во Скопје.
1
Ликот на велосипедите го менуваа артистите Ертунч Сали, Сања Симоска и Бранкица Јордановска.
2
Освен што се следи моменталната инспирација на уметниците, овде се почитуваат и желбите на сопствениците на велосипедите, велат артистите.
3
„Нивни си се, тие ќе си ги возат, секако дека ги слушаме. И баш ќе ми биде мерак кога ќе сретнам некој од овие луѓе на улица, а знам дека си заминал задоволен бидејќи неговиот велосипед добил нов лик“, вели ликовната уметница Бранкица Јордановска.
4
„Имав желба да го средам велосипедот и сакав да добие друг дизајн. Многу ми се допаѓа, ги ставија баш моите омилени бои. Можеби понатаму ќе додадам само уште некоја лепенка“, вели скопјанката Стефани Маневска.
Категории
- Македонија
- Свет
- ТВ Тема на неделата
- ТВ Тема на денот
- Во 90 секунди
