Најмалку 133 лица се убиени во пукањето во концертна сала во близина на Москва, јави руската државна новинска агенција РИА, а руските служби потврдија дека се уапсени четворица напаѓачи по нападот во петокот, 22 март, за кој одговорноста ја презеде екстремистичката група наречена „Исламска држава“.
Руското министерство ги објави имињата на ранетите. На списокот има 121 лице.
Шефот на Федералната служба за безбедност (ФСБ) го информирал рускиот претседател Владимир Путин за приведувањето на 11 лица, меѓу кои и четворица напаѓачи директно вклучени во терористичкиот напад врз Крокус, објави Кремљ, пренесе агенцијата Ројтерс.
Руските државни медиуми јавуваат дека Руската Федерална служба за безбедност (ФСБ) навела дека осомничените, за кои се верува дека се вмешани во нападот во концертната сала Крокус, се обидувале да преминат во Украина.
„По терористичкиот напад, криминалците имале намера да ја преминат границата меѓу Руската Федерација и Украина и имале релевантни контакти на украинската страна“, ја цитира ТАСС изјавата на ФСБ.
Рускиот истражен комитет претходно објави дека вкупно четири лица се уапсени во близина на границата со Украина во областа Брјанск.
Украина негираше каква било вмешаност во овој напад.
Одговорноста за нападот ја презеде екстремистичката група наречена „Исламска држава“, која на Телеграм наведе дека нејзини членови „извршиле напад во голем собир кој се одржувал во преградие на руската престолнина Москва“.
Украина негираше каква било вмешаност во овој напад.
Нападот во концертната сала Крокус во Красногорск во близина на Москва се случи пред настапот на групата Пикник. Руските медиуми јавија дека напаѓачите фрлале експлозиви што предизвикало голем пожар во концертниот простор кој собира околу 6.000 луѓе.
Белата куќа соопшти дека нема индикации дека Украина е вмешана во нападот.
„Засега нема индикации дека Украина или Украинци биле вмешани во пукањето“, изјави за новинарите портпаролот на Советот за национална безбедност Џон Кирби.
Русија рече дека ако САД со сигурност знаат дека Украина не е вмешана во пукањето во концертната сала во близина на Москва, Вашингтон треба да ги сподели сите информации што ги има.
„На која основа официјалните лица во Вашингтон донесуваат заклучоци за нечија невиност среде трагедија“, изјави портпаролката на Министерството за надворешни работи на Русија, Марија Захарова.
Одговорноста за нападот ја презеде екстремистичката група наречена „Исламска држава“, која на Телеграм наведе дека нејзини членови „извршиле напад во голем собир кој се одржувал во преградие на руската престолнина Москва“.
146 лица се повредени во нападот во концертната сала Крокус во Красногорск во близина на Москва пред настапот на групата Пикник, соопштија регионалните здравствени власти.
Повеќе од 100 луѓе беа повредени кога неколку напаѓачи во маскирни униформи отворија оган во „Крокус Сити Хол“, во Красногорск во близина на Москва, пред настапот на групата „Пикник“, соопшти ТАСС.
Портпаролот на претседателот Владимир Путин, Дмитриј Песков, рече дека лидерот на Кремљ бил информиран „во првите минути“ од нападот и дека „постојано добива информации за тоа што се случува на терен, како и за мерките што се преземаат преку сите релевантни служби“.
Тој рече дека Путин „ги дал сите потребни инструкции“.
Видео-снимките од местото на настанот покажуваат пожар и облак црн чад што се издигаа од зградата на Крокус Сити Хол, која се наоѓа во луксузен кварт на работ на Москва.
Државната агенција РИА Новости објави дека најмалку тројца вооружени лица биле вмешани и дека, се чини, отвориле оган со автоматски пушки. Интерфакс пренесе дека имало најмалку петмина напаѓачи.
Руските медиуми јавуваат дека напаѓачите фрлале експлозиви што предизвикало голем пожар во концертниот простор кој собира околу 6.000 луѓе.
Руската национална гарда соопшти дека е во потрага по напаѓачите.
„Во тек е потрагата по напаѓачите, а граѓаните се евакуираат од зградата“, стои во нивното соопштение.
Градоначалникот на Москва Сергеј Собјанин најави дека ќе бидат откажани сите јавни настани планирани за овој викенд во руската престолнина.
„Одлучив да ги откажам сите спортски, културни настани и други масовни настани во Москва овој викенд“, објави Собјанин на Телеграм.
Белата куќа вели дека нема индикации за вмешаност на Украина
Белата куќа соопшти дека нема индикации дека Украина е вмешана во нападот во концертната сала во Москва.
„Засега нема индикации дека Украина или Украинци биле вмешани во пукањето“, изјави за новинарите портпаролот на Советот за национална безбедност Џон Кирби.
„Сега би ве одвратил од каква било врска со Украина“.
Покрај овие тврдења на САД, вечерва и високиот помошник на украинскиот претседател Володимир Зеленски, Михаило Подољак, истакна дека Украина не е вмешана во овој напад, наглсувајќи дека терористичките напади не решаваат никакви проблеми.
„Украина сигурно нема никаква врска со пукањето/експлозиите во концертната сала во Москвва“, порака Подољак преку социјалната мрежа Х.
Москва: САД да ги споделат сите информации што ги имаат
Русија рече дека ако САД со сигурност знаат дека Украина не е вмешана во пукањето во концертната сала во близина на Москва, Вашингтон треба да ги сподели сите информации што ги има.
„На која основа официјалните лица во Вашингтон донесуваат заклучоци за нечија невиност среде трагедија“, изјави портпаролката на Министерството за надворешни работи на Русија, Марија Захарова.
Таа додаде дека доколку Вашингтон има информации треба да ги сподели, а доколку нема информации да не зборува на таков начин.
