Во Скопје денеска на Меѓународниот ден на жените – 8 Март, се одржа протестен марш за женски права. Маршот почна во 17 часот од Плоштадот „Скендербег“ под слоганот „Црвена линија: Правата на жените не се за преговарање!“. Маршот заврши во Паркот „Жена Борец“, со обраќања до јавноста и институциите.
Од Платформата за родова еднаквост информираат дека осма година по ред маршираат за да потсетат дека женските права се важни, секој ден, во секој сегмент од живеењето.
Протестен марш во Скопје: За женски права не се преговара!
1
Осма година по ред се организираше маршот како потсетување дека „женските права се важни, секој ден, во секој сегмент од живеењето“
2
Сите ние мора да имаме загарантирани еднакви права и можности – еднаков пристап до здравствени услуги без да биде загрозена нашата автономија, достапност на бесплатни гинеколошки прегледи во секој град и во секое населено место, менструални и хигиенски продукти, достојни болнички услови и лекарска експертиза, еднакви плати за иста работа, вклученост во донесувањето на одлуки, безбедност на работното место, вреднување на неплатениот домашен труд, живот без насилство – физичко и дигитално, безбедност во јавниот и приватниот простор, фер и непристрасно институционално постапување, независност и сигурност – во сите сегменти од живеењето, рекоа од Платформата за родова еднаквост пред почетокот на маршот.
3
Платформата за родова еднаквост организираше протестен марш во Скопје на којшто се испишуваат осум црвени линии, меѓу кои еднакви плати меѓу мажите и жените, 50 проценти застапеност на жените на позициите на моќ и решителност на институциите во борба и активност во справување и препознавање на фемицидот.
4
Борбата уште не е завршена, имаме уште многу работа за да стигнеме до еднакви права, велат организаторите и учесниците.
Категории
- Македонија
- Свет
- ТВ Тема на неделата
- ТВ Тема на денот
- Во 90 секунди
