Настаните на денот низ фотографии - 27 декември 2022
Зарко, Ноле, Порфириј, Путин...
1
АВСТРАЛИЈА - Поранешниот светски рекет број 1 Новак Ѓоковиќ денеска пристигна во Австралија речиси една година откако беше депортиран затоа што одби да се вакцинира против ковид-19. Деветкратниот шампион на Австралија опен првично доби забрана за влез во земјата на три години, откако ја загуби правната битка со високи влогови во јануари годинава. Австралија потоа го укина барањето посетителите да покажат доказ за вакцинација против ковид-19.
2
МАКЕДОНИЈА - Од 28.12.2022 престанува да важи одлуката за бесплатен јавен градски превоз која времено беше донесена како една од пакетот мерки на Град Скопје за намалување на загадувањето на воздухот, информираа од ЈСП.
3
МАКЕДОНИЈА - ЕСМ Продажба потпиша договор за снабдување со природен гас за производство на топлинска енергија за топланите Исток, Запад, Енергетика и Скопје Север, како и за останатите потрошувачи на природен гас, пред сè поголемите производствени и услужни капацитети.
4
ТУРЦИЈА - Турскиот претседател Реџеп Таип Ердоган изјави дека во Црното Море се откриени дополнителни 58 милијарди кубни метри природен гас, јави агенцијата Анадолија.
Категории
- Македонија
- Свет
- ТВ Тема на неделата
- ТВ Тема на денот
- Во 90 секунди
