Настаните на денот низ фотографии - 20 октомври 2022
Од Жан Митрев и Русковска до Навални и Ескобар
9
МАКЕДОНИЈА - Сите автобуси на ЈСП во четвртокот попладне се вратија на улиците низ главниот град, откако Град Скопје обезбеди плата за вработените. Од други проекти, Градот пренамени околу два милиони евра, за да може да им се исплатат плати на вработените во Јавното сообраќајно претпријатие (ЈСП). Автобусите од изутрина беа гаражирани, возачите одбија да возат, оти не биле во состојба да го прават тоа. Тие си ја бараат неисплатената плата за септември, која според законскиот рок треба да се исплати до 15 во месецот.
10
МАКЕДОНИЈА - Суспендираната шефица на Обвинителството за гонење на организиран криминал и корупција Вилма Русковска на која следниот месец и истекува мандатот, денеска изјави дека веќе поднела кандидатура за втор мандат. Таа ова го објави денеска по давањето исказ во Обвинителството за кривичната пријава која против неа ја поднесе поранешниот директор на Управата за Финансиска полиција Арафат Муареми. „Очекувам колегите да ме подржат во кандидатурата и да гласат за мене“ изјави кусо таа.
11
САД / СРБИЈА - Претседателот на Србија Александар Вучиќ денеска во Белград разговараше со специјалниот пратеник на САД за Западен Балкан Габриел Ескобар, за актуелните настани во процесот на нормализирање на односите со Приштина, можностите за продолжување на дијалогот и изнаоѓање одржливи решенија. Ескобар изјави дека очекува динамично и конструктивно да продолжи дијалогот меѓу Белград и Приштина за сите отворени прашања и сеопфатната нормализација на односите, соопштија од службата за медиуми на претседателот на Србија. Тој рече дека тоа е исклучително важно за граѓаните, како и за севкупниот мир, стабилност и напредок на регионот и дека се надева на брз крај на преговорите.
12
ГЕРМАНИЈА - Германскиот канцелар Олаф Шолц денеска изјави дека рускиот претседател Владимир Путин ги користи енергијата и гладот како оружје, но не успеал да го наруши единството на Западот и дека нема да ги постигне своите воени цели преку тактика на „изгорена земја“. Говорејќи во германскиот парламент, тој исто така рече дека Германија се ослободила од зависноста од рускиот гас, но дека работи на намалување на цените на енергијата, вклучително и со обезбедување нови договори за испорака на гас од други земји.
Категории
- Македонија
- Свет
- ТВ Тема на неделата
- ТВ Тема на денот
- Во 90 секунди
