Настаните на денот низ фотографии - 14 септември 2022
Лидери, судии, тајкуни...
9
СРБИЈА - Претседателот на Србија Александар Вучиќ денеска изјави дека сметал оти разграничувањето било решение за Косово и Метохија, но дека повеќе не мисли така бидејќи околностите биле сменети. Тој одговарајќи на прашање во српското Собрание за тоа кое е неговото решение, рече дека денес гледа како реално да ја согледа позицијата, бидејќи политичката ситуација се променила во последните 28 години, „не само по наша волја, туку и по волја на големите сили“.
10
МАКЕДОНИЈА - Комитетот за оперативна монетарна политика на Народната банка донесе одлука каматната стапка на благајничките записи да се зголеми за 0,5 процентни поени до нивото од 3 насто, а понудата на благајнички записи на редовната аукција не се промени и изнесува 10 милијарди денари. При носењето на одлуката беа земени предвид движењата кај инфлацијата, којашто и во август се зголемуваше, но поумерено. Овие измени би придонесле за натамошно поттикнување на штедењето во домашна валута, што би се постигнало преку промени во каматната политика на банките во корист на понуда на релативно поповолни камати на денарските депозитни производи.
11
САД / ЕУ - Вториот највисок суд во Европската унија со големо мнозинство ја потврди рекордната казна против Гугл поради оперативниот систем за мобилни телефони Андроид. Во својата денешна одлука, Општиот суд на Европскиот суд на правдата ја потврди одлуката од 2018 година на извршната комисија на ЕУ за наметнување парична казна против Гугл, но ја намали на 4,1 милијарди евра од 4,34 милијарди евра. Во својата првична одлука, Комисијата соопшти дека практиките на Гугл ја ограничуваат конкуренцијата и го намалуваат изборот на потрошувачите.
12
ВАТИКАН - Папата Франциск ги предупреди лидерите од различни вери дека религијата не може да се користи за да се оправда „злото“ на војната, што претставува, според некои посматрачи, своевидна критика на Руската православна црква, која го поддржа претседателот Владимир Путин за време на неговата неиспровоцирана инвазија врз Украина.
Категории
- Македонија
- Свет
- ТВ Тема на неделата
- ТВ Тема на денот
- Во 90 секунди
