Настаните на денот низ фотографии - 14 септември 2022
Лидери, судии, тајкуни...
1
РУСИЈА - Германскиот канцелар Олаф Шолц рече дека рускиот претседател Владимир Путин не го сменил својот став за инвазијата на Украина. „За жал, не можам да ви кажам дека се зголемило чувството дека беше грешка да се започне оваа војна. Немаше индикации дека има нови ставови“, рече Шолц на денешната прес-конференција, откако одржа еден и пол часовен телефонски разговор со Путин.
2
МАКЕДОНИЈА - Земјата е подготвена за успешен и брз преговарачки процес, особено што веќе долго време се усогласува со законодавството на ЕУ, истакнал министерот за надворешни работи Бујар Османи на средбата членовите на групата од Советот на ЕУ надлежни за процесот на проширување и односите со земјите кои преговараат за членство – КОЕЛА (COELA). Групата е во дводневна посета на Македонија.
3
БУГАРИЈА - Русија се обидела да влијае на бугарската политика во однос на ЕУ и енергијата, се наведува во извештајот на Државната агенција за национална безбедност (ДАНС) на Бугарија. Годишниот извештај е објавен на веб-страницата на владата и на службата за безбедност.
4
УНГАРИЈА - Лекари и дел од опозициските партии во Унгарија протестираа во средата против очекуваната промена на правилата за абортус, јавува Ројтерс. Новите правила предвидуваат жените пред да се одлучат на абортус да го слушнат срцебиењето на фетусот.
Категории
- Македонија
- Свет
- ТВ Тема на неделата
- ТВ Тема на денот
- Во 90 секунди
