Од регистрираните 1,58 милиони корисници на интернет во Македонија, две третини се активни на некоја од социјалните мрежи - најмногу на Фејсбук и на Инстраграм, покажуваат податоците на специјализираниот сајт Statista.com.
Според истиот извор, во државава има 1,1 милион корисници на социјалната мрежа Фејсбук, за сто илјади повеќе во однос на минатата година, а 540 илјади лица се регистрирани на Инстаграм.
Во светот има 4,1 милијарда интернет корисници, а 3,2 милијарди од нив користат социјални мрежи.
Предничи Фејсбук со 2,37 милијарди корисници, по што следат Јутјуб со две милијарди, ФБ месинџер со 1,3 милијарди, Инстаграм со милијарда и Твитер со 330 милиони корисници.
