Дувла на зарази и болести среде житници и археолошки наоѓалишта

Неколку локации во Македонија години на назад несовесните граѓани ги претвориле во депонии кои никој не ги чисти или пак општините си ја префрлаат одговорноста во чија надлежност се тие локации и кој треба да ги исчисти. Едни од нив се и депониите кои Слободна Европа ги фотографираше за време на велигденските и првомајските прзници - Депонијата на патот Арачиново - Куманово, кај Никуштак, депонијата на патот Количане - Батинце во општина Студеничани, депонијата кај заштитениот Аквадукт во Скопје и неколкуте помали депонии по течението на реката Лепенец во Скопје. Депониите се дувла на зарази и болести, а се наоѓаат во непосредна близина на населени места и земјоделско земјиште кое се обработува и засадува.