Еврокомесарот Хан вели дека со одлуката на Советот за општи работи Комисијата има зелено светло да ги почне подготовките со цел да започнат официјално преговорите кон средината на идната година.
„Тоа треба да води кон Меѓувладината конференција на која би требало до крајот на идната година да бидат отворени првите поглавија“.
Во врска со тоа дали е тој сигурен дека тоа ќе се случи во јуни 2019 година и оти ниту една членка не ќе може да го запре тој процес Хан вели:
„Скринингот зависи од нас како Комисија тоа е многу сеопфатна задача и работа, бидејќи според моите луѓе, тоа се повеќе од сто конференции каде што треба да се анализираат сите различни елементи. Тоа е предизвик за владите, особено администрацијата и ние ја имаме таа амбициозна цел“.
Запрашан за тоа каква порака им се испраќа на Скопје и Атина со ваквиот условен датум за преговори Хан вели:
„Граѓаните на идната Северна Македонија и граѓаните на Албанија на ова треба да гледаат од многу позитивна перспектива, не би сакал да кажам половина полна чаша туку скоро 90 проценти полна чаша дека огромно мнозинство од земјите членки ги препознаа сите нивни достигнувања и треба да се сфати дека ова е многу силна посветеност од политичките лидери, исто така и од граѓаните за решенеоста во врска со нивната европска перспектива. И ова е добра можност да се уверат трите членки оти нивниот поскептичен поглед кон овие земји не е оправдан“.
Затоа еврокомесарот Хан и со порака до граѓаните на двете земји:
„Токму затоа сакам да се гледа во суштината и не само што сега е договорено, туку што треба да се направи. И како што претходно реков, сега имаме задача веднаш да почнеме со подготовителната работа. Се надевам нема да губиме време, нема да чекаме до есен да ја почнеме работата“.
Хан, чиј мандат како комесар за проширување истекува во 2019 година, на прашањето како може да осигура дека тоа навистина ќе се случи поради промената во Брисел, наведува дека станува збор за преговори меѓу институциите.
„Најпрвин тоа се преговори меѓу институциите. Секако тие се водени од луѓе, но мислам ќе сториме се во ова предизвикувачка временска рамка. Секако би сакал да го завршам она што го почнав во почетокот на мојот мандат и да се добие зелено светло за време на мојот мандат. Секако во ова инвестирав многу и многу сум мотивиран да успеам, но уште еднаш станува збор за соработка и работа меѓу институции“, наведува еврокомесарот Јоханес хан во интервју за Радио Слободна Европа.
