Алијанса за Албанците - Изборите поминаа добро, со помали неправилности
Шефот на изборниот штаб на Алијансата за Албанците, Елми Азири, изјави дека денешните избори поминале добро, со помали неправилности, што не го загрозиле изборниот процес. Додаде дека резултатите ја поставиле Алијансата за Албанците како втора политичка партија на Албанците во Македонија и во албанскиот политички блок.
Заев - Заврши ерата на локалните шерифи
Ерата на локални шерифи заврши, обврската ни е поголема, во Македонија ќе има живот за сите, рече претседателот на СДСМ и премиер Зоран Заев, во обраќањето пред Владата, по одржувањето на локалните избори. Тој рече дека СДСМ победила на локалните избори уште во првиот круг во најмалку 38 општини.
СДСМ слави победа на локалните избори
СДСМ заедно со коалиционите партнери победи во повеќе од 40 општини во Македонија. ВМРО-ДПМНЕ оцени дека процесот бил недемократски, а Груевски вели дека има највисока одговорност за изборните резултати.
ДИК ќе ги објави првичните резултати од локалните избори
Државната изборна комисија денеска околу пладне се очекува да ги соопшти првичните резултати од вчерашното гласање за локалните избори. Досега ДИК има обработено 96,64 проценти од гласовите и според податоците објавени на нивната веб страницата, кандидатите за градоначалници на СДСМ водат во 50 општини, на ВМРО-ДПМНЕ во 9 општини, на ДУИ во 12, а кандидатите на девет други партии, коалиции и од група избирачи водат во останатите општини. Конечните резултати ќе бидат објавени кон средината на неделава.