„ЗаЕдно“ или неформален показ за континуитетот на домашната ликовна мисла

„ЗаЕдно“ е насловена заедничката изложба на дела на триесеттина македонски уметници од неколку генерации, којашто од 24 декември до 6 јануари наредната 2017 година, ќе се одржи во скопскиот вински бар „Подрум“. Станува збор за неформално дружење, за показ на континуитетот на она што тие го толкуваат како ликовна мисла и за претставување на реакцијата од темите што ги дразнат во последниве две-три години.