Приведен тетовец за фотографирање избирачко ливче
По барање на Избирачкиот одбор од избирачко место во основното училиште „Наим Фрашери“ во Тетово бил приведен 32-годишен тетовец, откако се обидел со мобилен телефон да го фотографира гласачкото ливче, информира портпаролот на СВР Тетово Марјан Јосифовски. На проведениот му се заканува парична казна од 300 до 1.000 евра во денарска противвредност.
Кавадарчанец го искинал гласачкото ливче на сопругата
Кавадарчанец го искинал гласачкото ливче на сопругата по што половина час било прекинато гласањето на избирачко место во Кавадарци, по што гласањето продолжило без проблеми. Како што информираше попладнево Анита Стојковска, портпарол на СВР Велес, едно лице било уапсено во врска со настанот, а искинатото гласачко ливче е обезбедено.
Цивил – Полнење кутии во Сарај, мртви гласаат
Изборниот ден поминува со низа нерегуларности, оцени невладината организација Цивил, чии активисти ги набљудуваат изборите. Претседателот на организацијата Џабир Дерала, на прес-конференцијата во 16 часот, рече дека најголем проблем останува избирачкиот список, кој според него е во хаос. Повеќе тука: http://www.slobodnaevropa.mk/a/28170002.html
Висок одзив, мирно и фер, со ситни нерегуларности
Изборниот ден поминува мирно, се гласа на сите избирачки места, а регистрирани се помали нерегуларности. До ДИК и до домашните набљудувачи граѓани реагирале дека не можат да се најдат на избирачкиот список, а има и случаи на поткуп, агитирање, притисоци.
До 13 часот гласале 34, 83 отсто од регистрирани гласачи, соопшти претседателот на ДИК, Александар Чичаковски. Видеа и детални информации тука: http://www.slobodnaevropa.mk/a/28169936.html
