„Улични свирачи“ на скулпторот Костов на Изложба во Белград

„Улични свирачи“ е насловена изложбата на македонскиот уметник Владо Костов, што од 17 ноември до 1 декември, ќе се одржи во Галеријата 212 во Белград. Постановката содржи скулптури направени од отпадни материјали во текот на оваа и минатата година, а новиот циклус е инспириран од неговата средба со десетгодишната талентирана Јована која, откако институциите останале неми, свирејќи виолина на улица „Кнез Михајлова“ се обидува да собере средства за нов инструмент со кој би го продолжила натамошното школување.