Станува збор за гаранции од Техеран дека нема да развива програма за нуклеарно оружје за што за возврат ќе добие укинување на санкциите од Соединетите Држави и Европската унија.
Со оглед на тоа што некои прашања се сложени и важни, мислам дека ќе биде неопходно повеќе време.Ванг Ји, кинески министер за надворешни работи.
Американскиот државен секретар, Џон Кери, и шефот на иранската дипломатија Џавад Зариф разговарале и за можноста за продолжување на конечниот рок за постигнување договор.
Ова е прво официјално признавање од Вашингтон дека таканаречената „жестока дипломатија во последен момент“ можеби не е доволна за да се дојде до конечно решение.
Можеме да бидеме оптимисти за постигнување согласност. Можеби тоа нема да се случи на 24 ноември, но мислам дека има значителна политичка волја и решеност да се дојде до договор, иако е можно мало продолжување.Келси Давенпорт, Асоцијација за контрола на оружјето.
Иранските претставници исто така соопштија дека се разговарало за продолжување на рокот.
Но, иранските дипломати ја најавија можноста дека би можело да се свртат кон Москва и Пекинг за економска и дипломатска поддршка доколку не успеат разговорите во Виена.
Вчера таму пристигна и шефот на руската дипломатија Сергеј Лавров кој веднаш се сретна со иранскиот министер Џавад Зариф.
Шефот на кинеската дипломатија Ванг Ји денеска оцени дека е можно продолжување на рокот.
„Со оглед на тоа што некои прашања се сложени и важни, мислам дека ќе биде неопходно повеќе време“, рече кинескиот министер Ји за преговорите во кои од едната страна се Британија, Кина, Франција, Германија, Русија и Соединетите Држави, а од другата Иран.
Шефот на британската дипломатија, Филип Хамонд, најави дека е неопходен поголем притисок врз Иран.
Всушност, сегашниот конечен рок, 24 ноември, за постигнување договор, беше договорен откако двете страни не успеаја да го сторат тоа на претходниот конечен рок во јуни годинава.
Покрај гаранциите дека Иранците не преговараат со цел да добијат време за да ја продолжат програмата за збогатување ураниум, администрацијата на претседателот Барак Обама, според посматрачите, сака да им покаже на скептиците во Конгресот дека е разумно да се разговара.
Како една од опциите се наведува дека Вашингтон од Техеран ќе бара извесна отстапка со цел да дојде до продолжување на разговорите во почетокот на декември кога Џон Кери ќе престојува во Европа на состонокот на министрите за надворешни работи на НАТО во Брисел.
Некои аналитичари се уверени дека е можен договор со Иран без оглед дали конечниот рок нема да биде испочитуван.
„Можеме да бидеме оптимисти за постигнување согласност. Можеби тоа нема да се случи на 24 ноември, но мислам дека има значителна политичка волја и решеност да се дојде до договор, иако е можно мало продолжување“, вели Келси Давенпорт од Асоцијацијата за контрола на оружјето.
