Бразил: Најголема мобилизација во поновата историја
Околу 100 илјади полицајци се анагажирани за обезбедување на градовите домаќини, а претседателката Дилма Русеф нареди распоредување и на 57 илјади војници, што е најголема мобилизација на бразилските сили во поновата историја.
Бразил, кој е често меѓу редот и хаосот, се надева дека Светското првенство во фудбал ќе биде безбедно за сите тимови и за сите посетители. Се очекуваат околу 2 милиона луѓе да допатуваат во земјата по повод Мундијалот.
Околу 100 илјади полицајци се анагажирани за обезбедување на градовите домаќини, а претседателката Дилма Русеф нареди распоредување и на 57 илјади војници, што е најголема мобилизација на бразилските сили во поновата историја.
Владата инвестира 850 милиони долари за безбедноста, како на 32-те репрезентации, учесници на Светското првенство, така и за можните улични
Brazil -- Football graffiti
протести, но и воздушната безбедност.
"Секој дел од полицијата, војската и разузнавачките служби ќе работат заеднo, под интегрирана команда, со цел се да помине во најдобар ред", изјави генерал Џамил Мегид, кој е и владин советник.
На Бразил не му се непознати големи настани и собири. Рио Де Жанеиро, на пример, секоја година е домаќин на големиот карневал, на кој има околу милион посетители, но Мундијалот е посебен предизвик.
Работи во Радио Слободна Европа во Прага од започнувањето на емитувањето на програмата на Македонски јазик, како уредник и водител. Со новинарство се занимава од 1988-ма година, најнапред во Македонското радио, а потоа во А1 телевизија, како и повеќе години како постојан дописник на Радио Дојче Веле.
