ВО ЖИВО: Претседателски и парламентарни избори

Во Охрид проблеми со избирачките списоци
Јавува Мики Трајковски

Претседателите на избирачките одбори во Охрид потврдуваат дека постои голем револт помеѓу граѓаните кои ги има во списокот за парламентарните избори, а ги нема во списокот за претседателските избори.

Од ОИК за Радио Слободна Европа потврдија дека граѓани реагираат до нив за овие пропусти и оти ги упатуваат до ДИК. Во Охрид до 10 часот правото на глас за парламентарните избори го оствариле 10,87 % од гласачите, додека за претседателските избори 10,76%

ЦИВИЛ - Разни кршења на изборниот молк

Во раните утрински часови, партиски активисти оставиле пропаганден материјал пред вратите на куќи и станови. Ова кршење на изборниот молк се евидентираше во скопските општини Аеродром, Центар и Карпош, каде е вршена агитација со делење пропаганден материјал, јавува Цивил.

Прв рапорт на МОСТ

Според информациите од набљудувачите и регионалните координатори отворени се сите гласачки места на кои МОСТ има распоредено свои набљудувачи. ГМ 2845 во Центар и 2446 во Сарај биле отворени со задоцнување поради технички причини, а ГМ 1147 и 1135 во Куманово биле отворени со задоцнување поради недостапност на теренот. Досега, забележано е:

Без проблеми се одвиваат првите два часа од гласањето во Тетовско и Гостиварско

До 9 часот според податоците од избирачките места, излезноста е до најмногу 2,5 проценти, јавува дописнкот на Радио Слободна Европа од Тетово..
Претходно во саботата, се спроведе гласањето на болни граѓани, изјави Звонко Ристовски, заменик претседател на општинската изборна комисија во Тетово.
Во општина Тетово правото на глас можат да го остварат 79.426 граѓани, додека во Гостивар 74.906 гласачи се евидентирани во избирачкиот список.