Чешката телевизија, која ги пренесува сите натпревари од Светското првенство во фудбал, соопшти дека вградила филтри кои ја редуцираат бучавата од вувузелите на стадионите. Од вчера ЧТ инсталира аудио филтер, кој во голема мера ја намалува бучавата од вувузелите, се вели во соопштението. Во него се додава дека тоа е направено на барање на гледачите, кои во голем број сугерирале дека им пречат звуците на вувузелите.
