Репрезентацијата на Англија пристигна денеска во Јужна Африка со надеж дека ќе ја оправда улогата на еден од фаворитите на Светското првенство во фудбал. На аеродромот во Јоханезбург, селекторот на Англија Фабио Капело изрази надеж дека Светското првенство ќе биде успешно за Јужна АФрика, но и за неговиот тим. Според испитувањата на јавното мислење, по Бразил, Англија ќе биде една од најпопуларните екипи на турнирот. Првиот натпревар, Англија, во групата Ц, ќе го игра на 12-ти јуни против Соединетите Држави.
