„Постојат многу поважни работи од тоа да си убав“

Студентката Тијана Петреска - Тиа откако знае за себе знае и дека сака мода и моден дизајн. Како дете со помош на нејзината баба дизајнирала и шиела облека за барбиките од цртаниот „Брац“, за кои вели уште ѝ се инспирација бидејќи симболизираат уникатност, самодоверба и храброст. Денес, учи да прави облека за луѓе и го следи сонот да биде модна дизајнерка, но и фото- модел. Од изборот „World Miss University“ во Јужна Кореја се врати со титулата „Најфотогенична студентка во светот“. Тиа порачува дека убавината не е пресудна за успех.