Низ фотографии: Александар Литвиненко, критичарот на Кремљ

септември 22, 2021

Гоце Атанасов

Поранешниот руски безбедносен агент, критичар на Кремљ, Александар Литвиненко почина во Лондон на 23 ноември 2006 година, откако беше отруен со високо радиоактивен полониум-210. Тој избега во Британија во 2000 година, откако јавно ја обвини Федералната служба за безбедност дека планирала убиство на олигархот Борис Березовски.

Британската истрага откри дека Литвиненко пиел чај наполнет со полониум за време на состанокот во лондонски хотел неколку недели претходно со двајца Руси, Андреј Луговој и Дмитриј Ковтун. Москва одби да ги екстрадира. Во јануари 2017 година, Соединетите држави ги ставија и двајцата на црната листа според Законот Магнитски.

Во својата одлука донесена на 21 септември 2021 година, Европскиот суд за човекови права со седиште во Стразбур утврди дека убиството го извршиле Луговој и Ковтун кои дејствувале како агенти на руската држава.

Покажи повеќе Show less

Сликата на поранешниот руски агент за безбедност Александар Литвиненко пред Универзитетската колеџ болница во центарот на Лондон на 23 ноември 2007 година. Литвиненко (43) се разболе на 1 ноември 2006 година, откако испи чај отруен со полониум-210, редок, високо радиоактивен изотоп. Тој почина неколку дена подоцна во болница. — 1 Сликата на поранешниот руски агент за безбедност Александар Литвиненко пред Универзитетската колеџ болница во центарот на Лондон на 23 ноември 2007 година.

Литвиненко (43) се разболе на 1 ноември 2006 година, откако испи чај отруен со полониум-210, редок, високо радиоактивен изотоп. Тој почина неколку дена подоцна во болница.

2 Новинари подготвуваат микрофони за прес-конференција на службеници на Руската федерална служба за безбедност (ФСБ) во новинската агенција Интерфакс во Москва, на 17 ноември 1998 година. Поранешниот агент Михаил Трепашкин (седи лево), колега кој носи маска за да го заштити својот идентитет и полковникот Александар Литвиненко (десно) ги обвинија нивните команданти на ФСБ дека нарачувале киднапирања и атентати, вклучително и обид за убиство на милијардерот Борис Березовски.

Литвиненко позира со својата книга &bdquo;Разнесување на Русија: Терор одвнатре“, во неговиот дом во Лондон во мај 2002 година. Во книгата тој ги обвини руските тајни служби дека ги изведувале бомбардирањата на руските станови во 1999 година и други терористички акти во обид да се донесе Владимир Путин на власт. Литвиненко избега од Русија во 1999 година, откако го откри наводниот план на ФСБ за убиство на тајкунот Борис Березовски. — 3 Литвиненко позира со својата книга „Разнесување на Русија: Терор одвнатре“, во неговиот дом во Лондон во мај 2002 година. Во книгата тој ги обвини руските тајни служби дека ги изведувале бомбардирањата на руските станови во 1999 година и други терористички акти во обид да се донесе Владимир Путин на власт.

Литвиненко избега од Русија во 1999 година, откако го откри наводниот план на ФСБ за убиство на тајкунот Борис Березовски.

4 Литвиненко (десно) сликан пред Домот на лордовите во Велика Британија на 14 септември 2004 година, по прес-конференцијата на која повика на меѓународна помош за решавање на конфликтот во Чеченија. Тој им се придружи (од лево кон десно) на режисерот Андреј Некрасов, актерката и активистка за човекови права Ванеса Редгрејв, Лорд Риа и Ахмед Закаев, водечки чеченски сепаратист кој доби азил во Британија.

Вчитај повеќе

Гоце Атанасов

Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.

atanasovg@rferl.org