Костените исчезнуваат, венеат и луѓето со празни џебови

Имер Исмаили го знае марифетот на добриот костен. Тој 25 години пече и продава на плоштадот Македонија во Скопје. Порано, вели, македонските печени костени оделе „како алва“, зашто имало добри и со добра цена. Чичко Имер проценува дека за 10 години, поради климатските промени, македонски костен нема да може да се купи, а увозот значи поголеми трошоци и повисоки цени. Низ приказната за македонскиот костен чичко Имер ја раскажува и тажната слика на граѓаните и нивниот страв од празни џебови.