Изложба која отвора прашања за Ромите и останатите маргинализирани заедници

Домашни и странски уметници од девет европски земји се обединија во изложбата „Сè што ни е заедничко“, поставена во Музејот на современа уметност во Скопје, во партнерство со Европско номадско биенале за современа уметност – Манифеста. Темите со кои се занимаваат уметниците Роми во оваа поставка отвораат различни прашања поврзани со системското насилство врз Ромите и останатите маргинализирани заедници, кризата на идентитетските политики, родова нееднаквост и мигранската криза, велат од МСУ за изложбата. Со триптихот од три масла на платно, насловен „Создавање“, уметникот Ахмед Кадри го прикажува својот поглед на заедничкото.