Димитриевски и Илиевски влегуваат во вториот круг во Куманово
Независниот кандидат и актуелен градоначалник на Куманово од иницијативата „За наше Куманово“, Максим Димитриевски вечерва најави дека влегува во вториот круг од локалните избори 2021 и дека е во водство пред кандидатите на СДСМ и на ВМРО-ДПМНЕ.
Кандидатот за градоначалник од СДСМ и Коалиција, Оливер Илиевски во изјавата дадена за медиумите рече, дека од обработените 97 проценти влегува во вториот круг од изборите и оти резултатот меѓу него и Димитриевски е изедначен.
Села прогласи победа во првиот круг во Дебар и Гостивар, во втор круг одат во пет општини
Коалицијата Алијанса за Албанците и Алтернатива прогласи победа во првиот круг во Дебар и Гостивар, а според нивните информации, нивните кандидати за градоначалници одат во втор круг во пет општини.
На изборите во Центар Жупа не е обезбеден потребниот цензус на излезност
Во Општина Центар Жупа во првиот круг од локалните избори не е избран нов градоначалник, бидејќи не е обезбеден потребниот цензус на излезност од една третина од вкупно запишаните гласачи во единствениот избирачки список.
Николовски – Кочи Мицко, има и втор круг
Генералниот секретар на СДСМ Љупчо Николовски вечерва рече дека СДСМ води во најмалку 25 општини на денешните локални избори, меѓу кои во Скопје, Струмица, Крива Паланка, Карпош, Центар и Шуто Оризари.
Во однос на славјето пред штабот на ВМРО-ДПМНЕ, Николовски вели дека опозициската партија конструира лажна еуфорија.
„Локалните избори секогаш имаат и втор круг, затоа Кочи Мицко!“, рече Николовски.